6-қосымша

Мектепалды жастағы балалардың ата-аналарына арналған сауалнама (5 жастан бастап)

          Құрметті ата-аналар! Комиссия білім беру ұйымына бағалау жүргізеді. Біз Сіздің балаңыздың мектепке дейінгі тәрбие мен оқытудың мемлекеттік жалпыға міндетті стандартының талаптарына сәйкес жас топтары бойынша меңгерілуі тиіс білім, білік, дағды көлемін табысты игеруіне мүдделіміз. Сіздің жауабыңыз бізге тәрбиеленушілердің жетістіктеріне объективті  мониторинг жүргізуге және мектепке дейінгі ұйымдар ұсынатын білім беру қызметтерінің сапасын жақсартуға көмектеседі.

          Сондықтан Сізден сауалнаманы жеке толтыруыңызды сұраймыз. Ынтымақтастық үшін рахмет!

Сауалнаманың мақсаты: балабақшаның атқарған жұмыстарының  оңтайлы және жағымсыз жақтарын анықтау. Қатысқан ата-аналар саны-29. Бала контингенті- 29

Қорытынды: Сауалнаманың негізгі салалары бойынша балабақша мен ата-аналар арасындағы байланыс. Ата-аналармен өткізілген сауалнамалар қорытындысында өте жақсы деңгейде екенін көрсетті.

Педагогикалық еңбек - нағыз шығармашылық еңбек, ғылыми зерттеуге жатады. Педагогикалық ұжымның қызметіндегі бұл бағыт көп салалы және педагогты шығармашылық еңбекке деген құштарлығын арттыру, ғылымға ынталандыру, ұжымда мәртебелік жағдайын арттыру үшін маңызды болып табылады. Педагогтар ғаламтордағы әр түрлі ақпараттарды, өз әріптестерінің тәжірибелерін оқып өз білімдерін көтереді. Педагогтардың алдыңғы қатарлы озық тәжірибелерін жинақтау, зерттеу барысында тәрбиешілердің іс-тәжірибелері басылымдарға жарияланды. 

2019 жылы Халықаралық әмбебап «Дала» журналына балабақша педагогтерінің еңбектері жарияланды. 

МДҰ-да ғылыми-тәжірибе әдістемесі-педагогтардың бірлесе әдістемелік сұрақтары және кәсіби мәселелерді бірлесе талқылауы, іс-тәжірибелерді өзара бөлісуі, жас педагогтарды үйрету болып табылады. Әрбір ғылыми қызмет тәжірибеден басталады. Сондықтан, жұмысты жоспарлап, өткізу үшін әр педагогтың белгіленген білімі болуы керек және талдау, зерттеу, дағдыларын білуі керек. 

Бүгінгі күні педагогтердің алдына қойылған міндет: белсенді, білуге құмар еліміздің ертеңі - жас ұрпақты тәрбиелеу. Қазіргі уақытта білім беру тәжірибесінде баланың танымдық әрекеті басым бағытқа ие болатын бала дамуының жаңа моделіне көп көңіл бөлінуде. Жобалау зерттеу әрекеті бала жаратылысына және тәрбие мен оқытудың заманауи талаптарына неғұрлым толығырақ сәйкес келетін зерттеу проблемалық, шығармашылық әдістер жиынтығын қамтитын инновациялық әрекет болғандықтан, ұжым педагогтері өз жұмыстарында, оқу қызметтерінде жобалау зерттеу әрекетін қолдану тиімділігін көрсетті. 

Қазіргі таңда ғасырлар қойнауында жатқан ұлттық тәрбиені, адамгершіліктің асыл қасиеттерін қалыптастыру маңызды міндеттердің біріне айналып отыр. Осы ретте ұлттық мәдениет пен әдебиеттің, тілдің, халықтық педагогиканың тағдыры мен болашағы балабақшадағы тәлім-тәрбиеге байланысты екені анық. Барлық уақытта баланы қоғамда әдемі, инабатты әдептілікке тәрбиелеуге үлкен көңіл бөлген. Бағдарламада балалармен, ата-аналармен, педагогтармен жұмыс бағыты, түрлері мен әдістері көрсетілген. 

Педагогтардың қызмет сапасы тиімділігінің көрсеткіші кәсіби мәдениет болып табылады. Біздің ұжым қызметінің басты бағыты-жалпы және кәсіби мәдениетін дамыту. Балабақша педагогтарының кәсіби дамуы адамның өз кәсібінің шебері, нағыз кәсіби шебері болып қалыптасу мақсатында жүретін ұзақ үрдіс. 

Біздің ұжымда бұл жұмыс әр педагогқа оның шығармашылық еңбекке ынтасы, табиғи қабілеті, ой-пікірі, еңбек тәжірибесі есепке алына отырып, дифференциялды бағдар деңгей ретінде ұйымдастырылған түрлі бағдарламалар қолданылады: 

 -сенімді жұмыс атқаратын педагогтар; 

-ерекше бақылау мен көңіл аударуды талап ететін педагогтар; 

-тәжірибесі мол әріптестерінің көмегіне иек артатын жас педагогтар. 

Педагогикалық кеңестер, әдістемелік кеңестер, психологиялық тренингтер, семинар және басқа да жұмыс түрлері өткізіліп, балабақшадағы педагогтармен жүйелі жұмыс жүргізіледі. Дәстүрлі әдіс-тәсілдермен бірге, белсенді тәсілдер, іскерлік ойындар, пікір-сайыс, дөңгелек үстел, ойға шабул, шеберліктерін көрсету сияқты әр түрлі әдіс-тәсілдер қолданады. Осындай жұмыстың түрлері педагогтардың шеберлігін арттыруда, өзін-өзі бағалауға, әдеби кітаптарды өз жұмысына пайдалана білуіне, ізденімпаздықтарын арттыруға жетелейді. Педагогтардың шығармашылық мүмкіншіліктеріне кәсіби өсу деңгейін, әлеуметтік-психологиялық және педагогикалық мәдениетін, шығармашылығын анықтау үшін мониторинг көрсеткіштері жүргізіледі.

Үлгілік бағдарламаның мазмұнын меңгеру бойынша 2018-2021 оқу жылының мониторинг көрсеткіш нәтижелері: Үлгілік бағдарламаның мазмұнын меңгеру бойынша 2021-2022 жыл аралығындағы Бастапқы, Аралық, Қорытынды балаларының біліктері мен дағдыларының дамуын нәтижелері бойынша бақылау.

Бастыпқы 2021-2022 оқу жылы

Аралық 2021-2022 оқу жылы

Қорытынды 2021-2022 оқу жылы

Ақпараттық мәдениет – бұл, ең бастысы адамның интеллектуалды белсенділігі болғандықтан, жаңа ақпаратқа үнемі қажеттілік, оны өңдеу және өз бетінше түрлі мақсатта қолдану талап етіледі. 

Балабақшада 3-компьютер, оның 3-интернет желісіне қосылған, 4-теледидар, 1-интербелсенді тақта, 1-музыкалық орталық, бейне таспалар, 1-«Даналық әліппесі», 1-«Қастерлі қалам», 2-«Сиқырлы қалам» оқу әдістемелік жинағы, ламинат, переплет жасайтын аппараттар бар. Сонымен қатар педагогикалық үрдіс заманауи жабдықтармен және көрнекі құралдармен жабдықталған. Педагогтарды керекті әдістемелік құралдармен, нұсқаулармен, әдебиетпен және мерзімді баспалармен толық қамтамасыз етіп отырады. Мақалалардың журналдарда басылуы, балабақша педагогтары жұмысы, тәжірибесі-ұжымдық қызметтің ашықтығының бір көрінісі. 

Мектеп жасына дейінгі балаларды дамыту мәселесі ұлттық даму стратегиясымен үздіксіз байланысты екендігі және мемлекеттік саясаттың ажырамас бөлігі болып табылатындығын ескере отырып, балабақшаның материалдық-техникалық қоры жаңа заманауи талаптарға сай. Топ бөлмелері балалардың жас ерекшелігіне сай ескеріліп, жабдықталған, дамытушы орталарға бөлінген, жаңа дизайнмен безендірілген. Балабақша мұздатқыштарымен, технологиялық құрал-жабдықтармен, жиһаздармен және төсек әбзелдері, орамалдармен түгелдей жабдықталған. Балалардың көңіл-күйінің қалыпты жағдайда болуына арналған психолог бөлмесі бар. Балабақша ауласында көлеңке түсіретін бастырма, ойын жабдықтары және құммен ойнайтын орындар орналастырылған. Балабақша ауласы көгалдандырылған, яғни гүлдер мен гүлзарлар, ағаштар көп отырғызылған. Дене шынықтыру алаңы секіруге, жүгіруге, еңбектеуге және тепе-теңдік сақтауға арналған жаңа құралдармен жабдықталып, толықтырылды. 

Ас бөлмелері арнайы технологиялық құралдармен жабдықталған. Бөлме ішінде ауа алмасу құрылғысы жұмыс істейді. Арнайы жеке ет, көкөніс, тағам саласына қарай тоңазытқыштар, қамыр, бакалея бөлімдері арнаулы белгімен белгіленген. Тағам дайындайтын электр плиталары жүйелі түрде жұмыс істейді. Шикі тағам өнімдерін қабылдағанда оларды өлшейтін арнайы электронды таразы бар. Мұнда барлығы бірінші өлшеніп, одан ары қарай қоймаға өтеді. Шкафтар мен тоңазытқыштар жеткілікті, қоймада стеллаждар қойылған. Барлық азықтүліктерге сәйкестік куәлігі бар. Азық-түлік әкелетін кәсіпкерлермен келісім шарт жасалынған. ЖШС «Адеми 1» «Диана» балабақшасы балалар 4 рет тамақтанады. Екінші тамаққа дәрумендер қосылады. 

Кір жуатын бөлмеде, әр топтың кір төсеніштері қабылданып арнайы себетке салынуда. Кір жуатын 2 кір жуғыш автомат машина орналасқан, оның біреуі арнайы карантинге арналған және ванна орналасқан, сондай-ақ кір орамалдарды жібітуге арналған және карантин кезіндегі орамалдарды дезинфекциялауға арналған ыдыс бар. Мектепке дейінгі мекемедегі баланың денсаулығын демеу және сақтау қорларының талабы мектепке дейінгі нормативтік құжаттарға сай келеді.

Қазіргі замандағы білім беру сапасы педагог-мамандардың кәсіби шеберліктеріне, тәжірибесі мен біліміне байланысты. Сондықтан мектепке дейінгі мекемеде педагогикалық құрылымның сапасы сұрыпталу бойынша жүргізілінеді. Қызметкердің лауазымдық міндеттері мекеме жарғысымен, мектепке дейінгі мекеме тәртібіне сай нормативтік-құқықтық құжаттарға сай, уақытылы, парасатты, жүйелі іске асырылады. Мектепке дейінгі мекеменің оқу жоспары мемлекеттік жалпыға міндетті білім беру стандарттың ережелеріне сай жасалынған. Тәрбиеленушілердің оқу қызметінің ұзақтығы мен жас ерекшелігі ескерілген. Базалық оқу жоспарында әрбір жас кезеңдеріне арналған оқу жүктемесінің шеңбері белгіленген. Оқу қызметінің тиімділігі балалардың жағымды көңіл-күйіне байланысты болады. Оқу-тәрбие жұмыстарының нәтижесі педагогикалық кеңесте және 5 минуттық жиналыстарында қаралып отырылады. 

Ой-өрісі жаңашыл, шығармашылық деңгейде қызмет атқара алатын, дүниетанымы жоғары, жан-жақты қалыптасқан қабілетті жеке тұлға тәрбиелеуге, рухани және дене тәрбиесінің жетілуіне педагогтардың тәрбие беруде ықпалы зор. 

Тәрбиешілер, мамандар балаларға берілетін білімнің сапалылығына, меңгеруіне жеңіл де тиімді болуына әртүрлі ойындар, көркем де әдемі көрнекіліктерді, ғажайып сәттерді, жаңашыл тәсілдерді енгізіп, білім алу қажеттілігін ынталандырады. 

Оқу-тәрбие жұмысында жеке тұлғаны адамгершілікке, ақыл-ойының және сана сезімінің жетілуіне, рухани байлығын және эстетикалық сезімінің дамуына қор жинақталуына жағдай жасалынған. 

Көрсетілген мақсатқа жетуде келесі қызмет түрлерінде іске асырылады: 

- балаларды тереңдетілген тұлғалық-бағдарлы тәрбиелеу және оқыту, мектепке дайындау, баланың физиологиялық және психикалық денсаулығын нығайту, түзету және қалыптастыру; 

- балаларды жан-жақты дамыту, балалардың қызығушылығы мен ата-аналар арқылы балалармен жұмыс істеудің жаңа түрлері мен әдістерін құру және енгізу; 

- 5-6 жастағы балаларды бастауыш білім берудің алғашқы сатысына дайындау; 

- қызметкерлердің балабақша үшін үлес қосқан еңбектерін марапаттау; 

- қызметкерлердің шығармашылық дамуына жағдай жасау; 

- қоғамымыздың әрбір мүшесінің құқығын қорғау. 

Бүгінгі таңда, еліміздің білім жүйесінде оқыту үдерісін тың идеяларға негізделген жаңа мазмұнымен қамтамасыз ету міндеті тұр. Адам тәрбиелеу – ең қиын да жауапты жұмыс. Сол қиындықты терең сезінетін, үлкен жүректі, ізгі ниетті адам ғана тәрбиеші бола алады. Ол үшін әрбір педагогтің бойында терең білім, өз ісіне деген төзімділік, мейірімділік, адамгершілік қасиеттері болу керек. 

Балабақшамыздың жеткен жетістіктеріне тоқталар болсақ,  2018 жылы – «Адеми 1» «Диана» балабақшасы Мектепке дейінгі тәрбие жекеменшік ұйымдарындағы аудандық музыкалық IX «Балапан» байқауына қатысып IІ-орынмен марапатталды. 

2018 жылы - ЖШС «Адеми-1» «Диана» балабақшасы әдіскері Нәлтаева Дина Мырзахметқызы «Озат ұстаз» төс белгісімен марапатталды.

2018 жылы - ЖШС «Адеми-1» «Диана» балабақшасы Мектепке дейінгі тәрбие  жекеменшік ұйымдарындағы аудандық музыкалық X «Балапан» байқауына қатысып III-орынмен марапатталды. 

Мектепке дейінгі ұйымда патриоттық тәрбиеге ерекше көңіл бөлінеді. Жылдық жоспарға байланысты мемлекеттік рәміздер күніне, тіл мерекесіне, қала күніне, «Елін сүйген Елбасы» тақырыптық оқу қызметтері, «Алтын күз», Қазақстан Республикасының Тәуелсіздік күніне «Тәуелсіздігім тірегім», «Қош келдің, жаңа жыл!», «Аналар мерекесі», «Жыл басы -Наурыз», «Мәңгі есімізде» ертеңгіліктері, дене шынықтыру ойын-сауықтары және денсаулық күндері өткізіліп тұрады. Мерекелік ертеңгіліктерде ата-аналармен бірлесіп көрмелер ұйымдастырылады, 1-наурыз «Алғыс айту» күніне қабырға газеттері, ашық хаттар жасалады. Осы жұмыстардың барлығына балалар, педагогтар, ата-аналар белсенді қатысады. Жыл бойы ата-аналар мектепке дейінгі ұйымдарда болып жатқан мерекелерге, ойын-сауықтарға, жарыстарға өз ықыластарымен қол ұшын созады. 

Балаларды мектепке дайындау сапасы 

Білім беру және ғылым саласына елеулі өзгерістер енгізіп жатқан қазіргі кезеңде мектепке дейінгі ұйымдар мен бастауыш білім беру ісін жаңа сапалық деңгейге көтеру міндеті бүгінгі күннің көкейкесті мәселесі. Осы өзгерістер білім саласының алғашқы сатысы болып саналатын мектепке дейінгі ұйымдарда болашақ ұрпақтың дүниетанымын дамытуға, жеке тұлға ретінде қалыптастыруға, сәбилік шақтан бастап толық жағдай жасауды, тәрбиелеумен білім беруге аса жауапты қарауды басты міндет етіп қойып отыр. Мектепке дейінгі мекеме мен бастауыш сынып арасындағы сабақтастықтың негіздемесі: балалардың білуге деген құмарлығын дамыту; балалардың өздігінен шығармашылық жұмыс тапсырмаларын шеше білу қабілетін дамыту: балалардың интеллектуалдық және тұлғалық дамуына бағытталған шығармашылық қиялын дамыту; тілдік қарымқатынасын дамыту (құрбы-құрдастармен, ересектермен тіл табысып, сөйлесе білу). Балалардың санасында салауатты өмір салты жайлы түсінікті қалыптастыра отырып, балабақша қызметкерлері мен ата-аналары арасында тығыз байланыс орнатылған. Балалардың тамақтануына үлкен көңіл бөлінеді. Күнделікті тамаққа көкөністер, сүтті, балық тағамдары, тәтті тоқаштар, ірімшік, сапалы балғын жемістер, шырындар мен сусындар беріледі. 

Балабақшада балалар денсаулығын жақсарту шаралары 

Балабақшада балалар денсаулығын жақсарту үшін төмендегі әр түрлі кешенді іс-шаралар жүргізіледі: Йодтық тапшылықтың алдын-алу шаралары үнемі және жүйелі түрде жүргізіліп келеді. Тұмаудың алдын-алу шаралары: оксолиндік жақпа майы, лимон сусыны, пияз, сарымсақ алқасы. Балалар денсаулығын жақсарту бойынша медициналық алдын-алу кеңесінің жүйелі жұмысы бала денсаулығының күшеюіне ықпал жасайды, әсіресе жиі ауыратын балалар тобымен жүргізілген жұмыс нәтижесін айта кету керек.

Науқастану және қатысу қорытындысы

Мектепке дейінгі білім беру ұйымының жылдық жоспары, ұйымдастырылған оқу іс-әрекетінің ұзақтығы, базалық оқу жоспарындағы әрбір жас кезеңдеріне арналған оқу жүктемелері мемлекеттік жалпыға міндетті білім беру стандартының ережелеріне сай жасалынған. Оқу жүктемесіне 5 білім беру саласының мазмұны кіреді: «Денсаулық», «Қатынас», «Таным», «Шығармашылық», «Әлеумет». Мектепке дейінгі ұйымда білім және тәрбие беру үрдісінде Қазақстан Республикасының Конститутциясы мен «Білім туралы» заңына сәйкес іске асырылуда.

Мектепке дейінгі тәрбие мен оқытудың үлгілік оқу бағдарламаларын қолдану барысы, балалардың денсаулықты сақтау, тілдік-     коммуникативті, танымдылық, шығармашылық және әлеуметтік құзыреттілігінің дамуына бағытталған

Жылдық міндеттемелер

Мектепке дейінгі ұйым мемлекеттік жалпыға міндетті білім беру стандартын енгізу барысында инновациялық әдіс-тәсілдерді кеңінен қолдану жеткіншек ұрпақтың саналы да, сапалы білім алуының бірден-бір шарты болып табылады. Мектепке дейінгі ұйымдағы аттестаттау екі кезеңнен тұрады: бірінші кезең – өзін-өзі бағалау; екінші кезең – аттестаттау комиссиясының жұмысы. Алғашқы бағалау мектепке дейінгі ұйымда әкімшілік, қызметкерлер және ата-аналармен іске асырылады. Өзін-өзі бағалау барысында төмендегідей жұмыстар іске асырылды; топтардың жалпы жағдайын бақылау, ата-аналармен сауалнамалар жүргізу, құжаттарды талдау. Өзін-өзі бағалаудың ең негізгісі топтардың жалпы жағдайын бақылау арқылы іске асырылды. Өзін-өзі бағалау барысында күн тәртібі сақталып, тәрбиешілер мен мамандар балалармен оқу-тәрбие жұмыстарын жүргізу барысында дамытушы, дидактикалық, логикалық ойындарды, ойын әдіс-тәсілдері мен ойын жаттығуларды кеңінен қолданды. Балабақшамызда педагог мамандардың кәсіби шеберліктерін дамытуға, шындауға бағытталған іс-шаралар (педагогикалық кеңестер, ашық оқу қызметтері, семинар, кеңес, тренингтер) жоспарға сай өткізіледі. 

«Денсаулық» білім беру саласы бойынша 2021 жылдың бірінші жарты жылдық міндеттемесіне сай бағдарламалық талаптар ойдағыдай өз шешімін тапты. Мақсаты – балабақшада баланың денсаулығын сақтаудың, салауатты өмір салтын ұйымдастыру мен бала денсаулығын шыңдаудың мүмкіндіктерін қарастыру болып табылады. Соған орай денсаулық білім беру саласы бойынша балабақшамызда шынықтыру жұмыстары ойдағыдай жүзеге асырылды. Педагогтар дәстүрлі әдістер мен дәстүрден тыс құралдарды қатар қолданды. 

Дене шынықтыру оқу қызметі барлық топтарда мемлекеттік стандартқа сай өткізілуде. Жаз айларында жалаң аяқ жүру, сусындар мен шырындар ішу, дене шынықтыруды таза ауада өткізу, спорттық жарыстар мен ойын-сауықтар ұйымдастырылды. Мектепалды, ересек топтарда «Шынықсаң шымыр боласың», кіші, ортаңғы топтарда «Көңілді балалар» дене шынықтыру ойын-сауықтары, «Ертегілер еліне саяхат», «Спорт-денсаулық кепілі» атты тақырыптарда ашық оқу қызметтері өткізілді. Оған қоса «Алтын күз», «Көктем келді көңілді» денсаулық күндері мен «Біз суықтан қорықпаймыз» дене шынықтыру мерекесі өткізілді. Өздігінен қозғалу белсенділігіне келсек, кіші, ортаңғы топ балалары кейбір қимылдарды үлкендердің көмегімен орындаса, ересектер және мектепалды топ балалары өздері орындап, спорттық жаттығуларды, әр түрлі қимыл-қозғалыс ойындарын өздері жүргізе алады. Балабақшадағы дене тәрбиесінде халық педагогикасының элементтері пайдаланылып, ұлттық ойындар ойнауға балалардың қызығушылығын арттырып отырады. 

«Қатынас» білім беру саласы бойынша бағдарламаның барлық бөлімдерінің ауызша қатынастың алуан түрлі құралдарын, дыбыстарды анық айтуды, өз ойын толық сөйлемдер құру мүмкіндіктері меңгертілді. Орыс тілді балаларға қазақ тілін үйретуде «Сиқырлы қалам» оқу кешенін қолдану өз нәтижесін көрсетті. Тілдік даму құралдары мүмкіндігінше толықтырылды. 

«Таным» білім беру саласы бойынша бағдарламалық талаптарға сәйкес балалардың білім деңгейлері салыстырмалы көрсеткіш бойынша көрсетілген. Педагогтар балаларға санау дағдыларын, геометриялық пішіндер туралы түсініктерді қалыптастыруды, кеңістікті және уақытты бағдарлауды, құрылыс, табиғи және қалдық материалдар мен конструктордың бөліктерінен құрастыруды, тірі және өлі табиғат заттары мен құбылыстары жөнінде білімдерді кеңейтуді, креативтік ойлауды дамытуды меңгертті. 

«Шығармашылық» білім беру саласы бойынша балалар сурет салу, мүсіндеу, жапсыру және өнер туындыларын қабылдау мен түсіну дағдыларын, командада жұмыс істей білуді, қоршаған ортаға эстетикалық қатынасты қалыптастыруды, өнер түрлері туралы қарапайым ұғымдарды, тәрбиеленушілердің дербес шығармашылық іс-әрекетін іске асыруды меңгерді. 

«Әлеумет» білім беру саласы бойынша балалар әлеуметтік дағдылар мен өз бетінше үйрену дағдыларын игеруді, қоғамда өзін-өзі ұстай білудің адамгершілік нормаларын, сондай-ақ жалпы адамзаттық құндылықтарды меңгеруді, баланың ересектермен және құрбыларымен қарым-қатынас жасай білуін, оларға құрметпен қарауды, дербестігін тәрбиелеуді, өзінің отбасына жақындық сезімін, эмоционалды елгезектікті, жанашырлықты қалыптастыруды, қазақ халқының, сондай-ақ басқа халықтардың тарихын, мәдениетін білу мен құрметтеуді, туған жер туралы туралы түсініктерін кеңейтуді, еңбек түрлері мен түрлі мамандық иелеріне қызығушылықты қалыптастыруды үйренді.